Online-Veranstalten vun Heimatbund un ADS Grenzfriedensbund e.V. an´n 09. März
Worüm is dat goot, wenn wi uns Kinner plattdüütsch groot maakt? Op düsse Fraag aantert in´n März de Sleswig-Holsteensche Heimatbund un de ADS Grenzfriedensbund e.V mit en Online-Veranstalten. Titel: „Dien Land Dien Spraak – Plattdüütsch in Familie“.
To Gast warrt Dr. Anja Leist-Villis ut Bonn ween, Autorin vun den „Ratgeber Mehrsprachigkeit“. „Durch ihre vielfältigen Erfahrungen mit unterschiedlich sprechenden Menschen sind Mehrsprachige oft sehr sensibel in der (interkulturellen) Kommunikation und haben ein ausgeprägtes Bewusstsein für Sprachen – zwei wertvolle Kompetenzen, die auch beim Erwerb weiterer Sprachen hilfreich sein können“, so Leist-Villis.
Mit dorbi is ok Marianne Ehlers vun den Plattdüütschen Raat för Sleswig-Holsteen. Ehlers wiest plattdüütsche Spelen un Böker, de goot funkschoneert in´t plattdüütsche Familienleven. In Diskussionen köönt all Deelnehmers sik opletzt uttuschen över Fragen, Probleme un Beleevnisse mit Platt un Mehrsprakigkeit in de Familie.
„Mit düt Angebott wüllt wi plattdüütsche Öllern, Grootöllern, Unkels, Tanten dorop stöten, dat se de Kinner wat mitgeven köönt, wat wertvull is: En Spraak bavento, ahn, dat jichtenseen dorför Geld, Möög oder Tiet opbringen mutt“, seggt Britta Poggensee vun`n ADS Grenzfriedensbund e.V..
De Veranstalten „Dien Land Dien Spraak – Plattdüütsch in Familie“ löppt an´n Dingsdag, 09.03.2021, Kl. 18.00 - 20.00. All Lüüd, de sik för Familie, Plattdüütsch un Mehrsprakigkeit interesseren doot, sünd hartlich willkamen un schüllt en Mail an j.graf@heimatbund.de schrieven, wenn se dorbi ween wüllt. Kossen deit dat nix.
Kontakt: Jan Graf, Referent für Niederdeutsch und Friesisch beim SHHB, j.graf@heimatbund.de, 0431 / 98384-15
