Op Hoochdüütsch gifft dat uns Informatschoonsheft to de Europääsche Sprakencharta al en Tietlang. Nu liggt dat ok as plattdüütsche Spraakfaten vör.
Siet 1999 steiht de Regionaalspraak Nedderdüütsch in Düütschland ünner den Schutz vun de Europääsche Charta för de Regionaal- oder Minnerheitenspraken. De Europaraat hett den Verdrag, de vun’t Völkerrecht her gellen deit, 1992 beslaten. Düsse Verdrag schall hölpen, de velen Kulturen un Spraken in Europa aftosekern un uttoboen. In all acht Bunnslänner, de to’t Spraakrebeet dorto hören doot, schall een allerwegens Nedderdüütsch bruken könen. Dor will de Charta op daal. De Broschüür gifft en Överblick över de Plichten, de de Länner mit de Charta övernahmen hebbt. En Reeg Bispelen schüllt wiesen, woans dat in de Praxis utsüht, un wat ut Sicht vun de Plattdüütschen noch beter warrn schull.
De Broschüür as pdf-Dokument daalladen: Uns Spraak – Politik för Platt
Ji köönt de Broschüür ok as Papeerfaten bi uns bestellen. Kösten deit dat nix: info[at]niederdeutschsekretariat.de.Denn gifft dat bavento noch uns Quiz to de Europääsche Sprakencharta.
