An wat denkt de Minschen in Noorddüütschland bi Plattdüütsch? Wo kaamt se in’n Alldag mit Platt in de Mööt? Wokeen kennt de Europääsche Sprakencharta weet, dat Platt över düt Afkamen schützt is? Dat hebbt wi Lüüd op de Straat fraagt. Wi weern in dree Bunnslänner ünnerwegens: An’n Haven bi Laboe in Sleswig-Holsteen, in de Straten vun Ollenborg in Neddersassen un in de Havencity in Hamborg. Un wi wullen ok weten, wokeen sik vörstellen kunn mittohölpen op de Spraak optopassen.
Veel vun dat, wat de Minschen uns vertellt hebbt, passt dorto, wat bi de letzte grote Ünnersöken to Plattdüütsch ut dat Johr 2016 rutkamen is (Status und Gebrauch des Niederdeutschen 2016, https://ids-pub.bsz-bw.de/frontdoor/index/index/docId/9037).
De Bundesraat för Nedderdüütsch un dat Nedderdüütschsekretariat bedankt sik bi de Beopdragde vun de Bunnsregeren för Kultur un Medien, de Stütt geven hett för dat Projekt. De Films hett de Videoprodukschoonsfirma MOCANOX ut Kiel maakt.
Film 1: Plattdüütsch in’n Alldag
Film 2: Plattdüütsch un Sprakenschutz
