Unter dem Motto „Plattdeutsch gehört auch in die Berufsbildenden Schulen“ hatte die Niedersächsische Landesschulbehörde erstmalig Lehrkräfte Berufsbildender Schulen aus ganz Niedersachsen zu einer Fortbildung eingeladen. Plattdeutsch spielt in ganz unterschiedlichen Berufsfeldern eine Rolle. Besondere Aufmerksamkeit bekommt das Thema „Plattdeutsch in der Pflege“ seit einigen Jahren – sowohl im Pflegealltag als auch in der Ausbildung von Pflegekräften. Dass sich der Ansatz, die Regionalsprache in der Ausbildung zu verankern, auch auf andere Berufsfelder übertragen lässt, zeigte die Fortbildung eindrücklich. Heinrich Siefer, Sprecher des Bundesraat för Nedderdüütsch, war beeindruckt von der ernsthaften professionellen Diskussion über Plattdeutsch an Berufsschulen.
Die beiden Initiatoren der Fortbildungsveranstaltung Herbert Fuhs, Berater für die Region und ihre Sprachen im Unterricht der Niedersächsischen Landesschulbehörde, und Hella Einemann-Gräbert, Fachlehrerin an der BBS Wildeshausen für Altenpflege sind sehr zufrieden mit der Auftaktveranstaltung:
Plaant un dörföhrt wurr de Veranstalten van de Beroopsschoolmester Herbert Fuhs, Berader van dat Landesschoolamt för Plattdüütsk an de Beroopsscholen in Neddersasssen un van de Beroopsschoolmesterske Hella Einemann-Gräbert, de an en anerkannten Projekt- un Plattdüütskschool unnerrichten deit.
De Inladen stunn unner de Överschrift: Plattdüütsk mutt ok an de Beroopsscholen insett worden. To de Pleeg höört dat nettso as ok in de Berieken Gesundheit, Buurkeree, Handwark un in de Wirtschaft un Hannelswelt. De Mesterskes un Mesters sall bi disse Fortbillen Stöön geven worden, daarmit se Sekerheid bi dat Umsetten an hör School hebben.
Een Sied van de Fortbillen sall wesen, dat de interesserte Deelnehmers/kes na disse Veranstalten vööl Ideen/Argumenten un Materiaal mit na Huus nehmen un de se an hör Beroopsschool insetten köönt. Beid Veranstalters sünd sük seker, dat disse een Sied ok bikomen worden is. Mit de beid Vördragen van Hans-Hinrich Kahrs (Beupdraggte van dat Landesschoolamt) „Plattdüütsk in de Beroopsscholen in Neddersassen“ un Heinrich Siefer (Plattdüütskvertreder in de Bundesraad för Nedderdüütsk) „Respekt för mi un mien Spraak“ geev dat en eerste Överblick.
Denn kemen lebennig Berichten un Beleevnissen van Platt protende Schoolwichter un Schooljungse ut de Pleeg van de Beroopsschool Wildeshusen, de wiest hebben, dat Plattdüütsk ok an de Beroopsscholen inbunnen worden kann. De Deelnehmers/kes kunnen sük dat Umsetten in lüttje Videos ankieken.
Achteran kreggen de Deelnehmers/kes to sehn, wat dat för Mögelkheiden in anner Beropen geven deit, Plattdüüsk intosetten. De Beroopsscholen Wildeshusen, Wittmund un Leer hebben verscheden Aktivitäten präsenteert. Dat weer en Ideensammeln för de Deelnehmers/kes, de se heel fix upnehmen kunnen un de hör to glieker Tied vööl Stöön bi hor tokomend plattdüütske Unnerricht geven deit.
De Vördrag van de Vertriebsleiterin van de Edeka Zentrale, Marie Ubben, reet all Lüü, de daar wassen, düchtig mit. Heel authentisch prootde de groot Verfechterin van dat plattdüütske Kulturgood över hör intüsken acht Edekamarkten, de de heel Waren mit plattdüütske Begrepen utstaffeert hebben.
Hans Hinrich Kahrs see, dat dat heel butengewohnt weer, dat de Kooplüü van Edeka ohn Druck van boven as Initiator uptreden deen. Hopentlik en Aktion för de Region rund um de Markten, de Mood maakt. Daarna prootde Friedrich Kathmann as Vertreder van de Volksbank Wildeshauser Geest eG mit de Deelnehmers/kes över dat För of Tegen van de plattdüütske Spraak in de Kunnenservice un as Instellensvörutsetten van Mitarbeiters/kes.
De Arbeid in lüttje Warkkoppels van de verscheden Fackberieken geev de Deelnehmers/kes Handlungssekerheit för hör Olldag an de Scholen.
Natürelk wurr ok daaröver proot, dat in Beroopsscholen mit vööl verscheden Beropen un vööl Mesters/kes un Schölers/kes de Inwand komen deit: „De Schoolwichter un Schooljungse sullen toeerst rechtschapen Düütsk lehren un nich ok noch Plattdüütsk.“
De Deelnehmers/kes weren aver de Menen, dat en spraakelk Fackkompetenz bito noch keeneen schaadt hett. „För de Olldag in dat Handwark un in de Deenstleisten helpt de Spraak düchtig wieder.“ In disse Sinn wurr ok över dat Zitat ut en Inladen van Indira Gandhi proot, dat wi in de Tied van vandaag nicht stahn blieven sölen, anners blifft man alleen un kummt nich vöran. Daarum sölen wi dree Spraken proten: Een regionale Spraak, een nationale un een internationale Spraak.
Christianne Nölting van dat Länderzentrum för Nedderdüütsk in Bremen weer överrascht över de groot Antahl van Mesters/kes de sük för Plattdüüsk interesseren. Se hett all Deelnehmers/kes hör Stöön toseggt. Heinrich Siefer van de Bundesraad för Nedderdüütsk, de al en Bült Fortbillens dörföhrt un besöcht hett, weer düchtig imponeert van de eernstelke professionelle Diskussion över Plattdüütsk an Beroopsscholen. De beid Initiatoren, Fuhs un Einemann-Gräbert, weren heel tofree mit hör eerst gemeensaam Fortbillen. Marie Ubben hett de beid bovendeem hör Stöön toseggt un hör nöögt, dat de tokomend BBS-Fortbillen in de Rüümten van de Edekazentrale ofhollen worden kunn un denn ok en Besichtigen van de Edekazentrale mögelk is. An ‘t Enn van en lang Dag fohren de Deelnehmers/kes mit heel good Indrucken, vööl Materiaal, Links un App-Henwiesen weer u. a. na Staad, Flensbörg, Lohne, Auerk, Leer, Rotenbörg of Varel.
Text: Hella Einemann-Gräbert und Herbert Fuhs
