Dat Motto vun de drütte Reeg vun uns Podcast klookluustert is Duersamkeit. In de fief Stremels geiht dat wedder üm aktuelle Themen ut Wetenschop un Sellschop – un dat allens op Platt. Dat is nich begäng, dat Platt de Funkschoon vun en Vermiddelnsspraak hett. So kann een kann marken, dat an de een oder anner Steed en Woort op Platt fehlen deit, wieldat de Spraak noch nich so en lange Phaas vun en Spraakutbo achter sik hett as Hoochdüütsch. För uns is de Podcast en Rutföddern, düsse Löcker in de Spraak to stoppen un Anbotten för ne'e Wöör to maken. Faken kann een ok ole Wöör reaktiveren, de nich mehr so veel bruukt warrt. Bi de Gespräken to de Themen Naturschuul, Psychologie, Ökologie, Tourismus un Verkehrswenn is wedder en Barg Wöör rutsuert, de bet nu noch nich in den Nett-SASS binnen staht (https://netz.sass-platt.de) - nu schüllt düsse Wöör in dat Wöörbook opnahmen warrn. Bi't Söken na passliche Wöör gifft dat verscheden Methoden, so as Lehnwöör ut anner Spraken, Lehnöversettens oder egen Woortboten. Wenn du mehr över Spraakutbo weten wullt, kiek di geern uns ne'e Broschüür to dat Thema an: Mehr Wöör för Platt.
In de düsse List finnt sik en Utwahl vun de Wöör, de bi de Opnahmen vun uns drütte Reeg vördag kamen sünd.
(De Afkörtels sünd: f=feminin, m=maskulin, n=neutrum)
| Artenvielfalt | de Oordenveelfoolt (f) |
| Aufklärungsarbeit | de Opklorensarbeit (f) |
| Bedrohung | de Bedrauhen (f) |
| belebt | beleevt |
| Bevölkerung | de Bevölkern (f) |
| Bildungsarbeit | de Billensarbeit (f) |
| Carsharing | dat Carsharing |
| Destination | de Destinatschoon |
| E-Mobilität | de E-Mobilität (f) |
| Eigenverantwortung | de Egenverantwoorden (f) |
| Einigung | de Enigen (f) |
| einzigartig | eenzigoordig |
| Feldwirtschaft | de Feldweertschop (f) |
| Fördermittel | de Föddermiddel (f) |
| Forschungsgebiet | dat Förschensrebeet (n) |
| Gemeinschaft | de Meenschop (f) |
| immateriell | immateriell |
| Klimakrise | de Klimakries (f) |
| Knickpflege, Pflege einer Wallhecke / eines Knicks | de Knickpleeg (f) |
| Kulturerbe | dat Kulturarv (n) |
| Kurdirektion | de Kurdirekschoon (f) |
| Ladesäule | de Laadsüül (f) |
| Ladestation | de Laadstatschoon (f) |
| Mobilitätskonzept | dat Mobilitätskonzept (n) |
| Neuropsychologe | de Neuropsycholoog (m) |
| Neuropsychologie | de Neuropsychologie (f) |
| Neuropsychologin | de Neuropsycholoogsche (f) |
| ÖPNV | de APNV (Abk.) |
| Papiertonne | de Papeertünn (f) |
| Pflanzenart | de Plantenoort (f) |
| Potential | dat Potentschaal (n) |
| Recyclingplastik | dat Wedderbruukplastik (n) |
| resilient | resilient |
| Resilienz | de Resilienz (f) |
| Resilienzfaktor | de Resilienzfakter (m) |
| Resilienzforschung | de Resilienzforschen (f) |
| Ressource | de Ressourc' (f) |
| Schutzaktion | de Schuulakschoon (f) |
| Selbstfürsorge | de Sülvstförsorg (f) |
| Selbstverständnis | dat Sülvstverständnis (n) |
| Supermarktkette | de Supermarktkeed (f) |
| Tierart | de Deertenoort (f) |
| Tierethik | de Deertenethik (f) |
| Tourismusbranche | de Tourismusbranch' (f) |
| Tourismusunternehmen | dat Tourismusünnernehmen (n) |
| Touristenattraktion | de Touristenattrakschoon (f) |
| touristisch | touristsch |
| Ungleichgewicht | dat Ungliekgewicht (n) |
| Waldart | de Wooldoort (f) |
| Zukunftstechnologie | de Tokumsttechnologie (f) |
| Zertifikat | dat Zertifikat (n) |
