Das Niederdeutschsekretariat lädt junge Plattdeutschsprecher und -interessierte zu einer Online-Veranstaltung zum Thema „Neue, moderne Literatur auf Niederdeutsch“ ein.
Plattdüütsche Literatur för junge utwussene Lüüd? Wat fallt di dorto spuntan in? Bet op Harry Potter gor nich so licht to seggen. Junge Lüüd sünd betto jümmers noch en verkennte Teelgrupp un för junge Plattsnackerschen un -snackers un de, de dat lehren wüllt, warrt ok nix Nees op den Markt bröcht. Wat blifft, sünd man de olen bekennten Texten.
An’n Maandag 31. Juli üm Klock 18:30 laadt de Bunnsraat för Nedderdüütsch un dat Nedderdüütschsekretariat vundeswegen junge Lüüd bet 40 Johr to en Online-Uttuusch in, mit dat Thema „Plattdüütsche Literatur vun un för junge Lüüd”. Modereren deit dat de Kulturwetenschoplersche Ulrike Stern, de an de Universität Griepswold in Nedderdüütschdidaktik arbeiden deit. Besnacken doot wi ünner anner meensam uns literoorsche Texten, denn…
… Schriffst du sülvst Texten, Gedichten, Lyrik, Graphic Novels oder anners wat op Platt? Wi wören uns för dull freien, wenn du uns wat vun dien Wark schicken deest. Elkeen vun de deelnehmen Lüüd köönt de Texten un Gedichten vör de Warksteed lesen, dormit wi denn tosamen doröver snacken köönt. Stüür also geern wat vun di in, wat nich langer as 2 DIN A4-Sieden lang is. Bet to’n 24.07. hest du dorför Tiet. Wi schickt all de inlangten Texten denn na düssen Termin eenmal rüm, dormit sik elkeen vörbereden kann.
Veranstalter:
Anmeldung und Fragen:
Datum und Zeit:
Einreichung:
Wo es stattfindet:
Bunnsraat för Nedderdüütsch und Nedderdüütschsekretariat
per Mail an: info@niederdeutschsekretariat.de
Montag, 31.07.2023, 18:30 bis 20:00 Uhr
Bis 24.07.2023 an obige E-Mail-Adresse
online, der Zoom-Link kommt per Mail
